Kasaan sin bana pa asawa

KASAAN SIN BANA PA ASAWA KASAAN MAG-PAKAHINANG SIN KAIBANAN KABANAHAN PA KAASAWAHAN NILA Ya kaw bana ingat kaw sabunnal tuud in suntuan mu sin pag-hulah –hulah mu nabiy Muhammad salawat iban salam kaniya sin tuhan , iban bassahun taniyu in manga kissa sin kasahabatan iban sin manga salafus salih , bang biyaddin in pagda nila ha manga kaasawahan sin sila. In ka awnan sin nabiy Muhammad salawat iban salam kaniya wayruun siya nakabagah babai minsan hangka minsan hasalugay sin kabuhih niya biyah sin baytah daying kan A’isha kiyaridaan siya sin tuhan. Kiyabaytah daisab kan imam Ahmad ibn Hanbal kawhaan tahun siya nakapaghambuuk iban sin asawa niya wayruun sila nakapaglugat minsan hangkan minsan . Daying ha sabab yan maghajat tuud in biyah katuh kabanahan , mamassa sin kabuhih nila yattu iban sin pagda nila pa kaasawahan nila , karnah mataud in gimuwah daying ha manga kaanakan nila nahinang gagandilan sin agama islam. Yari in manga parakalah iban kakahinang mur-murahan hikatabang siya kaymu sartah hikarayaw sin laum pag-hulah-hulah mu iban sin asawa mu . 1. Dih pag-hinduan sin bana in asawa niya sin pag-agama . Kamatauran bihaun manga kabanahan dih nila biatun in kaasawahan nila sin panghinduh sin agama islam , in pangannali nila mamarahi na in pag-inum makan , in piyakakansub nila sadya tiyan sin asawa niya sagawah in pag-agama wayruun . Nah! Ingat kaw yak aw bana mulliya in amanat kaymu sin tuhan dakulah ha tungud sin asawa mu , karnah ikaw in asuhun sin tuhan ha adlaw kiyamat ha palihalan sin asawa mu bang mu siya biat iban piyanduana da sin pag-agama . Sabab in kamaturan kaasawahan bihaun aun daying kanila ● Dih minsan maingat mag-ayil ● Dih maingat magsambahayang minsan mag-saambahayang na bukun pa amu ha aturan sin sarah . ● Aun pa daying kanila dih nila kaingatan in hukuman sin haid iban nifas . ● Aun pa daying kanila nag-hihinang sin kakahinang sirik . In ini maghajat tuud siya subay panduaan sin bana niya iban wajib niya subay ubatan iban sautun , iban wajib nika pa awnun in pagtulung tabang ha antara mu iban sin asawa mu hasupaya sumabu in pag-mabugah niyu pa tuhan . Ya kaw bana mulliya yari in manga tiranan kalu-kalu hikatabang kaymu hipagbuntul sin asawa mu : ● Dahun mu siya humadir ha pagsimilan ha palihalan sin pag-agama islam para makadungug sin manga pangadjian sin kaguruhan iban kaulamaan . ● Dahun mu siya sumambahayang juma’at pag-ubus mayan yattu ampa mu siya asubuhun bang unu namayan in nakawah niya pangadjian ha hutbah . ● Pa sahbuhun mu siya ha manga seminal para ha manga kababaihan ..alahmdulillah bihaun ha hulah mataud in pagsiminal manga kababaihan saadya . Bihan mu siya manga kitab-kitab ha pag-agama babassahun atawa manga cd ha palihalan sin pag-agama . ● Daakun mu siya manglundang panun pa manga kababaihan marayaw amuin makatabang kaniya sin pag-agama niya , sartah wajib kaymu pa anibun siya daying ha manga kababaihan mangih mangdahi kaniya pa hinang mahsiyat . ● Bang mu kagausan dihilan hadiyya ( sasallamatahan ) sakahabah siya makahapal daying ha mang ilmuh labi awla na tuud bang qur’an in mahapal niya . ● Tuyuan mu siya dahun dumungug sin qur’an hasupaya siya lumasa pa kallam sin tuhan . Ya kaw bana mulliya tum-tuma bukun sadya in hajat sin asawa mu yan pagkaun iban pag-inum atawa pagjimah , sagawah in hajat niya maun papag agama labi daying sin pag-inum makan iban pag-jimah , karnah wayruun guna sin laum bay iban paghulah-hulah bang wayruun pag-iman nila iban kabugah . Sabab in bana in hidihil niya sadya ha asawa niya pag-inum iban pag-kawun iban pagjimah , nah! In pagbiat niya pa asawa niya yan biyah pag-biat sin binatang iban hayup sabab in binatang maglawag daisab pagkaun para ha anak asawa niya iban jimaun niya raisab in asawa niya sagawah wayruun akkal , ampa amuyan in kamatauran jimatu bihaun . In mahalgah laung sin bana piyakakaun takamu iban pitatamung .. ______________________________________ 2. Palagguun niya in kasaan sin asawa niya , dih niya kaagi pabuntulun bang aun kasaan nahinang sin asawa niya. Sabda sin nabiy Muhammad salawat iban salam kaniya sin Allah لقوله صلى الله عليه وسلم: "استوصوا بالنساء خيراً، فإن المرأة خلقت من ضلع، وإن أعوج شيء في الضلع أعلاه، فإذا ذهبت تقيمه كسرته، وإن تركته لم يزل أعوج، فاستوصوا بالنساء خيراً". Patattapa niyu in pag-patumtum iban pagpabuntul ha manga kababaihan ( kaasawahan ) sin katan karayawan , sabunnal in babai piyapanjari siya daying ha gusuk bingkuk , amuna in gusuk dapit pa taas , bang mu biglaun mabalih siya , bang isab pasaran dih mu buntulun masi-masi siya dih muntul , nah! Patattapa niyu in pag-pabuntul ha kababaihan . Duun ha hadis nasabbut aun manga pa’idda makawa sin bana : ● Subay nila pahabaun in pag-sabar ha asawa niya . ● Bang siya magpatumtum subay hanunut bukun makasla . ● In bana panday pandikal subay niya patauran in kasabar iban maapun in asawa bang nakahinang kasaan , karnah in pagsaumbibi iban sin asawa dih siya masampurnah bang wayruun kasabar . 3. Ayaw mu binasaha in asawa mu atawa duya daying ha bay niyu Aun daying ha manga kabanahan ha sibih-sibih parakalah mahinang sin asawa niya , bagahun niya magtuwi atawa binasan , in yan ya kaw bana mulliya anyaya siya pa asawa mu karnah bukun in ubat sin kasaan pag-binasa , sagawah in makahalulay kaniya manga parakalah ini : ● Bang in asawa mu nakahinang kasaan ayaw mu siya binasaha sagawa patumtuman mu siya iban pabuntulun , iban lawagun mu tuud in hikahalulay kaniya . ● Bang dih pa magkahagad ayaw mu siya daha magdaig ha kukulangan . ● Bang dih pa magkahagad ayaw mu siya daha magbissa halaum sin tu adlaw . ● Bang dih pa magkahagad jiyari kaymu sin sarah binasahun sagawah bukun mu isab baliun in bukug niya atawa kaw bagahun mu siya habyhu mablack eye in asawa mu , sagawa binasahun mu siya ha baran bukun masakit . Ha parman sin Allahu ta’ala والله عز وجل ( فعظوهن واهجروهن في المضاجع واضربوهن فإن أطعنكم فلا تبغوا عليهنّ سبيلاً ) النساء، الآية: 34. Bang nakahinang in kaasawahan sin kasaan , ayaw niyu sila daha magdaig ha kukulangan , iban manjari niyu siya binasahun sin binasa bukun masakit , sagawah bang sila nagtaat kaniyu anduh ayaw niyu sila puhingaun . [ suratu Anni’sa ayat : 34 ] Sabda sin nabiy Muhammad salawat iban salam kaniya . لقوله صلى الله عليه وسلم "استوصوا بالنساء خيراً، فإنما هن عوان عندكم، ليس تملكون منهن شيئاً غير ذلك، إلا أن يأتين بفاحشة مبينة، فإن فعلن، فاهجروهن في المضاجع، واضربوهن ضرباً غير مبرح" Patattapa niyu in pagpatumtum sin karayaw ha kababaihan ( kaasawahan ) karnah sabunnal tuud in sila yan biyah hantang bihag niyu , amuyan in kapatut sin kamu kausugan sagawah bang sila nakahinang dusa amuin dusa sulang ha kabayaan sin sarah , nah! Ayaw niyu sila daha magdaig ha kukulangan , sartah manjari niya sila binasahun sagawah bukun binasa amuin mapug-pug in baran . Bang mu binsahun in asawa mu Ayaw mu bagaha mu ha bayhu niya karnah haram in hukuman niya . Damikyan niya ayaw mu duyan in asawa mu daying ha bay mu bang kamu makapagkalu atawa bang siya makahinang kasaan ha sabda sin nabiy salawat iban salam kaniya جاء رجل إلى الرسول صلى الله عليه وسلم فقال: ما حق المرأة على زوجها؟ فقال: "أن يطعمها إذا طعم، ويكسوها إذا اكتسى، ولا يضرب الوجه، ولا يقبح ، ولا يهجر إلا في البيت". Dimatung maun pa rasul sin Allah in hambuuk usug karnah nangasubu bang unu namayan in hak ( kapatutan ) sin asawa niya : sabda kaniya : subay niya gastuhan sin pagkaun iban pagtamung , sartah ayaw niya bagahun ha bayhuh iban minsan niya bagahun subay dih makalanduh , iban ayaw niya duyun daying ha bay . 4. Aun daying ha manga kabanahan in daakun nila mag-lawag napaka kaasawahan nila . In yan daying ha manga anyaya ha asawa mu bang mu siya diyaak naglawag usaha atawa napaka karnah in kiywajiban magnapaka subay bana , ha parman sin tuhan قال الله تعالى: (وعلى المولود له رزقهن وكسوتهن بالمعروف) البقرة، الآية :233 Wajib napakan sin amah in anak niya iban sin kaasawahan niya amuin napakara ha aturan sin sarah . [ suratur baqara ayat : 233 ] Hangkan in magnakapa kaw asawa mu wajib , sartah malagguh in pahalah makawah mu ha sabda sin nabiy Muhammad salawat iban salam kaniya لقوله صلى الله عليه وسلم: "إذا أنفق الرجل على أهله نفقة يحتسبها فهي له صدقة". Ababila naggastu in bana ha asawa niya sin unu-unu na daying ha manga hiyalal , naghillas siya pa tuhan , bilangun kaniya in katan kiyastu niya yaun sadakka . Hambuuk baytah pa ‘ minsan in kakaun hisungit niya pa simud sin asawa niya karnah sin tuhan mabilang sadakka ‘ Ampa in kasaan bihaun sin kaibanan bana asawa nila in daakun manglawag kabuhi anan in yan ya kaw bana mulliya dusa pa tuhan sartah anyaya pa asawa. 5. Aun bana mabungis iban mangih in pangaddatan niya pa asawa niya sagawa bang pakabagayan niya nakalanduh in dayaw iban sawa aymuka niya . In yan ya kaw bana mulliya sulang ha pamanduh sin nabiy Muhammad salawat iban iban salam kaniya sin tuha ha sabda niya قال صلى الله عليه وسلم: "أكمل المؤمنين إيماناً أحسنهم خلقاً، وخياركم خياركم لنسائهم" . In sampurnah muhmin amuna in marayaw in laku tabiat niya , sartah in sarayaw-rayaw kabanahan daying kaniyu amuin marayaw in pangaddatan nila ha kaasawahan nila . Ampa aun daying ha manga kabanahan bang pa asawa niya nakalnduh in bungis iban ngih pangaddatan , sagawah bang bagay niya nalanduh in dayaw niya , minsan unu in hipahinang kaniya sin bagay niya kattuun niya , adapun bang ha asawa niya dih katiyuh-tiyuan magtuwi magbungis iban mag-amal .. in yan sulang siya ha kabayaan sin sarah karnah in mapatut mu pagmarayaw subay anak asawa mu . Lamud daying ha pagmarayaw pa asawamu tawagun mu siya sin danglay atawa ngan kasuswakan niya biyah sin kakahinang sin nabiy Muhammad salawat iban salam kaniya sin tuhan pagdanglayan niya hi Aisha ya ( ‘ A’ish ) atawa ya ( ‘ Humayrah ‘ ) bimahna ayaw mu siya tawagun sin ngan kalilisuan niya . 6. Aun daying ha manga kabanahan dih tumabang sin hinang laum bay biyah na sin mag-adjal atawa magdak-dak . In pangannali niya bang siya tumabang mabah in pagkausug niya , in yan daying ha manga kasaan , sabab bang mu kitaun iban bassahun in kabuhi sin nabiy iban sin kaasawahan niya halaum bay nila , in ka awnan sin nabiy salawat iban salam kaniya , siya in magtahi sin manga ta umpah niya iban tumbang siya sin kakahinang halaum bay sagawah bang mabut na in waktu sambahayang mag-us-us niya binun karnah hasupaya niya matunay sin sambahayang , in yan manunjuki sin sabunnal tuud in ka awnan niya tumabang siya sin kakahinang halaum bay . 7. Aun daying ha manga kabanahan hipanuysuwi nila in ka aiban sin asawa niya . In yan yak aw bana mulliya daying ha manga salagguh-lagguh dusa ha sabda sin nabiy Muhammad salawat iban salam kaniya فقد قال صلى الله عليه وسلم: "إن شر الناس عند الله منزلة يوم القيامة الرجل يفضي إلى المرأة وتفضي إليه ثم ينشر سرها". Sabunnal tuud in sangih-ngih na manusiya ha hadarat sin tuhan ha adlaw kiyamat amuin usug magpanuysuwi sin rahasiya ( secret ) niya iban sin asawa niya . 8. Aun daying ha kabanahan ha tuwi-tuwi parakalah dahun niya magbugit in asawa niya , atawa umiyan sin bang mu hinangun in yan hibugit takaw . In yan yak aw bana mulliya bukun katan parakalah atawa kasaan sin asawa mu in ubat niya pagtallak , karnah subay mu tuud ingatun in pagtallak bukun yan lalangugan ,karnah bang kaw imayan ha asawa mu tiyallakan tanakaw minsan siya langug bilangun da sin sarah , daying ha sabab yan sabda sin nabiy salawat iban salam kaniya sin tuhan قال الرسول صلى الله عليه وسلم: "أبغض الحلال إلى الله عز وجل الطلاق". In kahuhuskawan sin Allahu mahasutsi mahatinggi daying ha manga hiyalal niya amuna in pagtallak . Amura kuman in hadis yan malamma sagawah in mahna niya bunnal , hangkan dih mu manjari paglangug-langugan in parakalah pagtallak atawa pagbugit malayingkan subay amuin wayruun an tuud dugaing tiranan . Naig in panghibugguh sin kaibanan bana ha asawa niya , dih siya magparuli minsan nag-mimitin in asawa iban sin kaibanan usug atawa mag-agad iban sin kaibana usug , in yan daying ha manga musiba dakulah ha paghulah-hulah . 9. Aun daying ha manga kasaan sn kaibanan usug magpataud sila asawa sawagah sulang ha aturan sin sarah atawa makalanggal sila ha kaibanan sarah . Wayruun pagduwa-ruwa in pag-asawa duwa atawa tu atawa sambil pa upat in yan daying ha manga siyara sin tuhan ha manga kausugan ,sagawah aun daying ha manga kausugan mag-asawa hika ruwa atawa hikatu sagawah mataud in mahinang nila piyanglangan duun naka kapasaran nila in hak sin asawa nila kaibanan atawa kapasaran in pag-ayuput ha ka anakan nila . 10. Aun pa mag-asawa mataud dih sila makapa adil ha anatara sin kaasawahan nila , in yan yak aw bana mulliya salagguh-lagguh anyaya ha asawa mu sartah makaralak sin pag-hulah-hulah mu iban makaralak sin bay mu . Karnah nag-asawa kaw hasupaya mu maparihalah in asawa mu iban sin anak mu , nah! Bang in pag-asawa mu hikaruwa yan kapsaran in anak asawa mu panagnaan , tiranan yan hikaluppas sin pag-hulah-hulah marayaw pa in hambuuk na sadya ha parman sin tuhan الله عز وجل يقول: (فإن خفتم ألا تعدلوا فواحدة) النساء، الآية:3 Bang kamu mabugah dih makapa adil ha pagkaluah , hambuuk na sadya in asawahun niyu . Mahuli niya in sarayaw-rayaw daying kaniyu hisiyu-siyu in marayaw pa anak asawa niya . Bang man kamu piyarihalah sin tuhan sartah papagbarakatun sin tuhan in pag-hulah-hulah niyu, sartah in wayruun pa pag-hulah hulah nila daying ha usug babai bang mayan makalawag kamu hikasanyang sin pag-hulah-hulah niyu . FACEBOOK /PAGE: 》Black_beard https://cyrelrosal.wixsite.com/ibnugharib