Mga pangilahan in manusiya siyusuran sin jinn
- Ibnu GHARIB
- Jul 12, 2017
- 3 min read
Daing ha manga pangilahan sin yaun in manusiya yaabayan siyusuran sin Jinn atawa hihigung hagasan siyasasat Jijilaka , nah mataud in pangilahan niya , ( awun waktu ha waktu Bangan daing ha tainga atawa bassahan sin Qur'an , damikyan pangilahan Duun ha Lawum sayu batih in Tau , Damikyan pangilahan duun bang halawum katugan in Tau).
biya na sin ini ;
1. Pangilahan ha waktu kabangan (Azhan ) atawa kabassahan sin Qur'an ; nah bang Jinn sahbu yaun simusud apabila kabangan duun ha tainga sin Tau amuin yaun kiyasusuran na atawa bang kabassahan sin qur'an , nah punungun siya iban awun waktu na maligad na sadja pa lantay , in ini bukun siya sharat in jumatuh tuud , awun waktu sab na punungun iban manglantikan da kuman , awun waktu sab dih yan jumatuh sah magsilawakan sab atawa magtangis , awun waktu sab biya nagduruhung siya sah in atud pataas atawa ha duhilan sin tampal patuu niya atawa palawa niya.
2. pangilahan ha Hal in siya halaum sayu ( bukun halawum katugan ).:
- Agpangan siya daing hinang pagtaat pa Allah , atawa kan mabuggat misan kaniya in tumunay sin sambahyang ,atawa mahuskaw mangdungug sin Azhan.
- Dih magpakatug Dum iban lilimpa limpa sadja
- masub mag isa isa sadja malisu magpamunpun pakatauran.labi na bang parkala tungud papagpun pun hikasung sin pag Eyman, damikyan hikasung sin pagkasi lasa ha agama islam .
- Daran sadja siya siyasakitan O ha wairun puun sabab daing ha medical.
- Awun waktu ha kamawmuhan kananaman niya ha baran niya biya landu siya pasuun atawa sab landu siya haggutun na sadja .
- magtallihan iban agad dih niya na manga mahibal in ginhawa baran niya biya sin awun gimagapus kaniya.
- Dih na misan magpanglanu lanu sarta malisu na misan sibu da pa tamungun atawa pa baran atawa pa lugal ha pamaybay niya , agad na in dih magpamaigu malisu na atawa mahang na awun waktu manga halawum sin hangkapitu manga makapila ra mamaigu.
- Bigla kumusug na sadja in kuba kuba sin jantung niya ubus maig magbalik na isab.
- Datungan sin landu kalisu maghinang unu unu na, iban daran sadja nalulupa.
- Bigla na sadja magpamanhud in gulamay lima atawa siki , iban bigla mamidpid in pamaranan niya.
- makarungug siya sin manga tingug makainu inu , atawa duun ha tau diyaratungan karunugan niya . atawa Awun kahamutan niya hamut , wairun makarungug atawa dih kahamutan sin haraig niya in nahamut niya.
- Bang siya manga mangjamban pa CR maglugay lugay siya halawum sin CR misan Wairun hajat niya.
- Awun kananaman niya ha manga anggawta baran niya masakit ha wairun puun sabab niya daing medical.
- Awun kakitaan tumampal biya kaagih Alum duun ha pamaran nan niya magbakkas magwalna Bilo atawa Pula Atawa Gaddung , labi labi na ha Duwa lima niya iban sin ha duwa Paa niya.
- Awun waktu nanamun niya biya sin awun miyamagad miyumurul kaniya daing ha taikuran niya.
- Nakalandu na tuud in Bugah niya ha bukun na kariyasali labi na bang hakatigudluman na.
- Nag duruwa ruwa sadja siya pa manga Ahli niya pa manga lasiya niya , pa manga kabagayan niya iban pa manga pangdaig niya.
- Awun waktu makapikil manga siya magpakamatay na ,
- maluhay Pagdugalan , atawa dih misan katiyu tiyuan bagtoy astulan misan parkala sibi sibi bukun na patut pagdudugalan mawmu in ini magjatu ha duwa naghahambuk.
Note : in manga nagkasabbut yan bukun hat sadja yan in manga alamat niya iban awun pa yan wala ta pa kiyaingatan , sabab in Jinn adlaw adlaw awun sadja Baguh parkala nila biyadahan in manusiya patiyu patiyu awun daisab Baguh parkala sin pagdunya nila.. ______________________________________________
FACEBOOK /PAGE:Black_beard
More reminder we shares on you
[Support our dah'wa]
Comments