IN DUWAA HI SALAHUDDIN AL-AYYUBI

Ha masa hi Salahuddin Al-Ayyubi, landu’ in pagmatuyu’ sin mga Nasarani manggubat pa mga hula’ Muslim. Sambil mataud na in mga hula’ naraug iban nasakup nila. Sambil kiyasuysuy pa kahulaan bat in sumunu’ panawun nila gubataun amuna in Masjid Aqsa ha Palestine.

Nagmumus sila marayaw iban nagtipun mataud sundalu iban mga kapanyapan. Ha hal yaun landu’ nasusa sambil hiyanggaw in mga Muslimeen ha hula’ yaun. Nagtaud-taud sila timulak ha mga kumpit iban adjung supaya mamuhinga’ ha mga Muslim iban manakup sin hula’ nila.

Hi Salahuddin Al-Ayyubi nagtikup ha lawum Masjid. Ha katihabaan sin duwm wala’ natuwg, sumaguwa’ nagtahajjud iban nagduwaa nagtangis pa Allahu Taala. Nangayu’ tatabangan iban kalappasan pa Allahu Taala dayin ha mga Nasarani amuin magdaratung-datung na kunsum. Ha masa yaun landu pa isab malamma in mga Muslim duun ha hula’ yaun.

Puas sambahayang Fajr, gimuwa’ na hi Salahuddin dayin ha Masjid sarta’ buntu’ na in mata ha pagtangisan pa Allahu Taala. Piyagbaak siya sin hambuuk Shaykh, in agi kaniya, “Salahuddin ayaw na kaw masusa, liyu’mus na sin Allahu Taala in mga Nasarani ha dunuk sin luha’ mu kabii.”

Wala’ da limugay awun na tau nanawag-tawag nagpahati ha lawum kawman, bat in katan kumpit iban adjung sin mga Nasarani nalu’nud kabii ha gitung lawud, katan sila miyatay.

MA'SHA'ALLAH!

19895064_1818541348475520_857897099339596943_n