IN BAGAY MU NAG-IIBADAT MAKASHAFAAT KAYMU BANG KAW HALAUM NARKA'

Taymanghud ko, Ayaw mo ako kalupahan ! Hangkan in tiyap-tiyap hangka-tao subay labi marayaw mataud in bagay niya NAG-IIBADAT sabab ha waktu kaw manarka' sabab sin dusa mu MANJARI KAW NILA SHAFAATUN TABANGUN IGUN HALAUM NARKA' DAIN HA PAGBAYA' SIN ALLAH Laung hi Imam Ash-shafi'iy Rahimahullah : "Sabunnal tuod in mga tumpukan (dain ha mga tao surgah) apabila na sila sumud halaum Surgah sarta' wala' nila kita in panaiban nila amuin nakahinang karayawan (nag iibadat) sa lugay nila ha dunya sabunnal tuod asubuhun nila in Allah sarta' in iyanun nila : "Ya tuhan namo' awun kami mga taymanghud panaiban namo' mag-sambahayang iban mag puasa sumagawa' wala namo' sila kita' die?" Mag daak in Allah :"Kattu kamo pa Narka' sarta' paguwa'a niyo in hisiyo in amuin taga luon in pangatayan niya pamaratsaya misan biya' laggu' hanglup". Laung isab hi Al-Hasan Al-Basriy Rahimahullah :"Pataura niyo in mga kabagayan niyo nag iibadat sabab sila in ha antara' niyo ha adlaw pag buhi mag balik, In mga kabagayan mararayaw sila in panaiban mo mag panaw harap sumud ha Surgah" . Laung isab hi Ibnul Jawziy Rahimahullah :"Bang di' niyo aku kabakan ha Surgah, duon ha antara' niyo asubuha niyo aku, iyanun niyo :"Ya tuhan namo' awun kaw eipun hi kwan tagna yadtu pagpatumtuman niya kami (parkala' agama) duon kaymu" sarta'. naubus man siya namissara timangis hi Ibnul Jawziy Rahimahullah. Hangkan mga taymanghud ko ha agama Islam mangandu' mangandu' ako kaniyo apabila wala' niyo aku kita' halaum Surgah ASUBUHA NIYO AKO PA ALLAH sabab kalo isab misan hangkakasasaat awun ako kiyapatumtum kaniyo karayawan manunjuki ha parkala agama, pag ibadat pa Allah AYAW NIYO AKU KALUPAHAN MGA TAYMANGHUD KO Ya Allah dihili kami sa taud taud kabagayan mararayaw iban agad na in mga ka-taymanghuran na tumabang kamo' huminang sin pardaakan mo MURA MURAHAN MAG UNUNGI MAKASUD HALAUM SURGAH Ameeen

FACEBOOK /PAGE:Black_beard More reminder we shares on you

[Support our dah'wa]

19970630_1452328921519351_1176388384_n